Цогтбилэгийн тэмдэглэл.

Хүсэн хүлээсэн шинэ улирал эхэллээ.

2011-09-19T01:19:00.000-07:00

Европын топ лигүүд ерөнхийдөө эхэллээ. Өнгөрсөн амралтын өдрүүдээр Примерлиг 5, Бундеслиг 6, Ла лиг 3, Сери А-н 2 дохь тойргийн тоглолтууд явагдсан бол аваргуудын лигийн хэсгийн тоглолтууд өнгөрсөн 7 хоногт эхлснээр энэ улирал жинхэнэ утгаараа эхэлж байх шив дээ.
Миний хувьд ИСПАНИ-ЛАЛИГА-БАРСА-ВИЯА-г бусад улс лиг баг тоглогчдоос илүүтэйгээр дэмждэг энэ талын мэдээллийг түлхүү сониррхдог. Гэхдээ зөвхөн эд нарыг дэмждэг гээд бусад лиг багийн тоглолтыг үзэхгүй байна гэдэг мэдээж утгагүй. Үзэж байгаа юм чинь нэгийг нь бас дэмжиж л таарна. Иймээс энэ жил БАРСА-гаасаа гадна бусад лигүүдэд нэг нэг баг, тоглогч сойхоор шийдлээ.
Примерлиг:
Мэдээж хамгийн хүчтэй, өрсөлдөөнтэй, алдартай лиг. Багууд нь жигдхэн аль нь ч алийгаа хожход гайхах зүйл үгүй. Миний сонголт Манчестер Сити, П.Торресийг тоглолтоо олж олон гоол хийгээсэй гэж хүсэж байна.
Ла-Лига:
Мэдээж Барса, Вияа. Хажуугаар нь Валенсиг сайн тоглоосой гэж хүсэж байна. Ялангуяа Солдадо. Вияа Силва Мата гээд лидерүүд нь явсан ч тэр багийн лидерийн үүргээ сайн гүйцэтгэж байгаа.
Сери А:
За аль нь ч байсан яахавдээ. Ювэ, Милан хотын багуудаас гадна Лацио, Наполи сайн үзэх байх. За энэд Наполиг сонгочий. Мэргэн буучаар Натали.
Бундеслига:
Түрүүлж чадахгүй нь тодорхой л доо гэхдээ миний сонголт Шальке 04. Тэнд Раул гоолдсоор л байгаа.
Барсагийн хувьд улирлын нээлтийн тоглолтонд Вияралыг 5:0дож сайхан эхэлсэн ч 2-р тойргийн тоглолтонд Реал Сосидадтай талбайдаа 2:2-р тэнцсэн төдийгүй 2 хоногийн дараа нь Аваргуудын лигийн тоглолтонд мөн л талбайдаа милиантай 2:2-р тэнцэж довтлогч Санчезаа бэртэлд алдаад жаахан баргар эхэлдэг юм байна. Ядаж байхад энэ хооронд мөнхийн өрсөлдөгч Реал аваргуудын лигд ч Ла лигд ч хожил аваад Роналду нь покер хийгээд мэргэн буучийн жагсаалтыг ганцаараа тэргүүлээд л хүчтэй байлаа.
Харин өнгөрсөн 3-р тойргийн тоглолтонд Осасунаг 8:0-дож тэр дундаа ганц шүтээн Вияа маань 2 гоол хийж манайхан жинхэнэ сүрийг үзүүллээ. Реал Мадрид Левантед хожигдсон нь энэхүү тоглолтыг бүр ч чимж өгсөн гэхэд болно. Цаашид 7 хоног болгон дээрх сойсон хүлгүүдийнхээ талаар мэдээлэл оруулж байхыг бодноо.

Ц.Соднодорж VS Н.Түвшинбаяр

2011-07-24T17:46:00.000-07:00

Улсын начин Ц.Содномдоржийн барилдааны амжилт www.hiimori.mn-с

2011-06-27T01:24:00.000-07:00

Он Наадам Амжилт Барилдсан бөхчүүд
2011 Дархан аварга Д.Дамдины 80 насны ойн барилдаанд (128) 7 давсан ( Түрүүлсэн )
2011 Арслан гарьд цолны хүндэтгэлийн барилдаан (128) 4 давсан
2011 Чингэлтэй хайрханы хишиг барилдаан-2011 (256) 2 давсан
2011 Завхан аймгийн баяр наадам 2011 (256) 6 давсан
2011 Наадиын сорилго барилдаан 2011 (128) 3 давсан
2010 АХ-ын 89 жилийн ой Үндэсний их баяр наадам - 2010 (512) 4 давсан
2010 Авто тээвэрийн 85 жилийн ой (128) 7 давсан ( Түрүүлсэн )
2010 Хотгойдын хурд 2010 хангайн бүсийн даншиг (256) 8 давсан ( Түрүүлсэн )
2010 Шинэ үндсэн хууль батлагдсаны 18 жилийн ойн барилдаан (128) 4 давсан
2010 2010 оны сар шинийн барилдаан (256) 4 давсан
2010 Эх орончдын өдөрт зориулсан барилдаан (128) 3 давсан
2010 Заан цолны хүндэтгэлийн барилдаан (128) 4 давсан
2010 Зэвсэгт хүчний 89 жилийн ой (128) 3 давсан
2010 Наурызын баяр (128) 7 давсан ( Түрүүлсэн )
2010 МУ-ын Арслан, Гарьд цолтнуудад хүндэтгэл үзүүлэх барилдаан (128) 7 давсан ( Түрүүлсэн )
2010 МАХН-ын 85 жилийн ой (128) 3 давсан
2010 Чингэлтэй уулын хишиг барилдаан 2010 (256) 5 давсан
2009 МУ-д Ардчилсан хөдөлгөөн үүссэний 20 жилийн ой (128) 4 давсан
2009 Богд Хан уулын хишиг барилдаан (256) 2 давсан
2009 АХ - ын 88 жил Үндэсний их баяр наадам (512) 5 давсан - /Улсын начин/
0 Сонгино хайрхан уулын хишиг барилдаан (256) 8 давсан ( Түрүүлсэн )
www.hiimori.mn

Katy Perry - Last Friday Night (T.G.I.F.)

2011-06-27T01:03:00.000-07:00

Ц.Содномдорж VS Ш.Жаргалсайхан

2011-06-27T00:56:00.001-07:00

Ц.Содномдорж VS Т.Энх-Амгалан

2011-06-27T00:55:00.001-07:00

Ц.Содномдорж VS Б.Сангисүрэн

2011-06-27T00:53:00.000-07:00

Ц.Содномдорж VS М.Өсөхбаяр

2011-06-27T00:50:00.000-07:00

Ц.Содномдорж VS Ө.Бат-Орших

2011-06-27T00:48:00.001-07:00

Хотгойдын шадар ван Чингүнжавын мэндэлсний 300 жилийн ой "Хотгойдын хурд-2" Хангайн бүсийн даншиг наадам хүчит бөхийн барилдааны 8-н даваа.

2011-06-27T00:38:00.000-07:00

Kevin Durant's Top 10 Plays of the 2011 Season

2011-06-27T00:37:00.001-07:00

Russell Westbrook's Top 10 Plays of the 2011 Season

2011-06-27T00:33:00.001-07:00

Мөнх тэнгэрийн дор миний монгол наадам

2011-06-27T00:17:00.000-07:00

Номин талст - Миний монгол наадам

Уулс нь нараа аргамжиж цэцэгсээ нөмөрлөж хүлээнэ ээ
Үүлс нь хураа тэгшилж талаа ундаалж хүлээнэ
Чонын эртэй морьд нь уяагаа тэлүүлж хүлээнэ
Цовоо бяцхан багачууд нь гийнгоонд дэрвиж хүлээнэ

ДХ: Мөнх тэнгэрийн дор миний монгол наадам
Мөнх тэнгэрийн дор миний морьтой наадам

Адууны үнэртэй дугараа нь айргийн сүүн дээр хүлээнэ
Арван цагаантай эмээл нь нүдний гижгэн дээр хүлээнэ
Саран хөмсөгтэй нум нь хөвчиндөө чангарч хүлээнэ
Наран хээтэй зодог нь хөлсөндөө чангарч хүлээнэ

ДХ: Мөнх тэнгэрийн дор миний монгол наадам
Мөнх тэнгэрийн дор миний морьтой наадам

Цагаан зодогтой сүлд нь есөн хүлэгтэй хүлээнэ
Цагаан цацалтай өглөөтэй ногоон дэвжээ хүлээнэ
Уртын дууны шуранхай хуурын аялгуунд хүлээнэ
Монгол түмэн даяараа гоёлын тэрлэгтэй хүлээнэ

ДХ: Мөнх тэнгэрийн дор миний монгол наадам
Мөнх тэнгэрийн дор миний морьтой наадам

Нэг юмны сураг сонсчоо л.

2011-06-16T18:19:00.000-07:00

Нэг юмны сураг сонсчоо л хүлээгээд байна. Дараа 7 хоног гэхэд ерөнхийдөө шийдэгдэх байх. Хэрвээ наашаа шийдэгдвэл их юм өөрчлөгдөнөдөө. Эерэг өөрчлөлтүүдээс гадна сөрөг юмнууд ч магадгүй гарах л байх. Гэхдээ ямар нэгэн байдлаар өөрчлөгдөж байна гэдэг нь өөрөө хэрэгтэй зүйл л дээ. Хүмүүсийн хэлдгээр ус хүртэл урсахгүй бол өмхийрдөг гэдэг. Харин хаашаагаа яаж урсах нь надаас л шалтгаална.

Амралт

2011-05-19T03:47:00.000-07:00

Юм дуулгахаар хүүхдүүд байна.

2011-04-01T03:54:00.001-07:00

Далайд дусал нэмэр.

2010-12-02T23:06:00.000-08:00

2011 оны ҮСБХ-ны бүх оддын тоглолт Лос-Анжелесд Стэйплэс центрт болох юм байна. Уламжлал ёсоор өөрийн саналаа өглөө.

Дорнод:
Төв: Ховард Орландо
Хүчний довтлогч: Леброн /Миами/
Жижиг довтлогч: Пол пирс /Бостон/
Хамгаалагч: Уэйд:/Миами/
Холбогч: Рондо /Бостон/ /
Өрнөд:
Төв: Маркус Кэмби/Портлэнд/
Хүчний довтлогч: Дэвид Ли/Голден стэйт/
Жижиг довтлогч: Кевин дурант /Оклахома/
Хамгаалагч: Монта Эллис/Голдэн Стэйт/
Холбогч: Рассэль Вэстбрүүк/Оклахома/

Дорнод бол угаасаа энэ тав сонгогдох байх. Харин Өрнөдөд бол эргэлзээтэй Коби, Мело, Пол, Дерон, Гасол гээд бааврууд нь орох л байх. Миний сонголт бол Кэмбигээс бусад нь бүгд шинэ залуу тоглогчид. Өөрийнхөө дэмждэг 2 багаас л оруулчлаа. Гэхдээ Дурант Вэстбрүүк Эллис аль аль нь энэ улиралд гялалзаж байгаа.
Энэд хамгийн сонирхолтой нь өрнөдийн холбогчийн байралалд хэн сонгогдох бол. Миний хувьд Пол Дерон 2-с Вэстбрүүкийг илүүд үзэж байна. Улирал эхэлснээс хойш тэр сүйд хийсээр байна. Оклахомагийн од нь Дурант биш тэр болоод байгаа.
Тэгээд хэн олон фентэй нь бас санал авах хугацаа дуустал хэн сайн тоглосон нь л сонгогдох биздээ.

Эл Классико

2010-12-01T03:45:00.000-08:00

Миний хөлбөмбөг мэддэг ч гэж юу байхав. Гэхдээ Эл Классико болж байх үед дэлхий хүн ам 2 хуваагддаг юм гэсэн. За за эртхэн харья дараа тэгэж байгаад нэг үргэлжлүүлье. Өрөөнд хүн ороод ирлээ. :D

Санжаадамба ирээдүйн аварга уу?

2010-12-01T02:35:00.000-08:00

2005 онд телевизээр МҮБХ-с ээлжит сумын заан цолтнуудын барилдаан болно гэсэн зар явж байлаа. Гэтэл цуг үзэж байсан ах маань Архангайн Санжаадамба л түрүүлнэ биз гэж ярьж байсан юм. Тэгэж анх Санжаадамба гэдэг бөх байдаг юм байна гэж сонсож билээ.

Түүнээс хойш барилдааныг нь хардаг болсон ч тэр бүрийд онцгойрч сайн барилддаггүй байсан санагдаж байна. Харин 2007 оноос аймаг цэргийн цолтнууд дотроо гайгүй үздэг тэр хэмжээгээрээ бөх сонирхогчид ч улсын цол авах магадлалтай бөхчүүдийн тоондоо оруулж эхэлсэн юм. 2007 2008 оны улсын наадмаар дараалан өөрийн багш Дүвчингээрээ 3 давсан боловч дөрвийн давааг давж чадалгүй наадмаа дуусгасныг та бүхэн санаж байгаа байх. 2008 оны Наадмаас хойш барилдаан нь улам сайжирч улсын цол авах бөхчүүдийн тэргүүн эгнээнд бичигдэж байсан ч наадмаар 2009 оны наадамд 2-н даваанд Говь-Алтай аймгийн харьяат аймгийн арслан Суманчулуунд тахимдуулан өвдөг шороодож олон хүний итгэл найдварыг хөсөрдүүлж (Магадгүй заримыг нь баярлуулсан ч юм билүү :D) орхисон билээ. Харин тэр наадмаас хойш жинхэнэ хяргаж өгсөндөө бараг л барилдсан барилдаан болгондоо түрүүлж үүний дотор сар шинийн барилдаанд хүртэл өрсөлдөгчдөө илт илүүрхэн түрүүлж байсан. Улмаар улсын даян аварга А.Сүхбатаас "Ирээдүйн аварга" хэмээх нэр хүндтэй шагнал хүртсэн. Нэгэн сайтан дээр Санжаадамба он гарсаар 10 барилдаж 9 түрүүллээ гэсэн мэдээлэл байсныг санаж байна. Түүний сугадасан барьцнаас баруун хөлөө урдаа тавиа л түрчихэд тэсэх бөх байхгүй. Тэр аль хэзээний аварга шиг өөрөөс нь өөр хүн байхгүй мэт л барилддаг байлаа. Түүнээс хойш ч гэсэн мөн л түрүүлсээр 2010 оны наадамтай золголоо. Наадамчин олны ихэнхи нь түүнийг зөвхөн наадмын үзүүр түрүүнд л харж байлаа. Харин юу болсныг та бүхэн бүгд мэдэж байгаа. Тэр ахиад л 4-н даваанаас хойш үзэгчдийн суудалд шилжсэн. Түүнийг цэргийн арслан цолтойгоо барилдах хугацааг нэг жилээр (хамгийн өөдрөгөөр) нэмсэн хүн бол улсын начин Д.Лхагвадорж байсан юм. Наадмаас хойш мөнөөх Лхагвадоржтойгоо 3 таарсан ч мөн л барсангүй. Тухайн үед бөх сонирхогчид начинг "Санжаагийн эрлэг" хэмээн нэрлэж байлаа. Харин түүнээс хойш Санжаадамба 2 удаа хаяад байна. Гэхдээ тэр 2 барилдаанд түрүүлж чадаагүй ч барилаанд нь тогтож өрсөлдөгчөө үнэлж барилдаж байсан. Магадгүй түүнд олон хүн зөвлөсөн байх. Тэр үед ингээд тогтоод барилдвал ч Санжаа их юм дуулгана шүү гэсэн бодол төрж байлаа. Харин тэр хэн болохоо саяхан болсон улс тунхагласны 86 жилийн ойн барилдаанаар хангалттай харуулсан. Яг л өмнөх Санжаадамба. Тэр хүчтэй, аатай, эрэмгий байсан. Хэн ч түүнийг зогсоож чадаагүй.
Олон бөх сонирхогчид Санжаадамбыг тогтож барилдвал амжилтанд хүрнэ гэдэг гэтэл энэ нь түүний зан биш бололтой. Тэр аагархаж, илүүрхэж, дайрч барилдаж сурсан тэгэж барилдхаараа ч сайн барилддаг. Энэ нь эсрэгээрээ түүний амжилтанд хүрэх замыг хаагаад байгаа юм биш байгаа. Баянаа аварга хэдэн жилийн өмнө "бүх бөхчүүдээ давж чаддаг хүн нь түрүүлдэг юм бол Сүхбат түрүүлнэ" гэж хэлж байсан үнэхээр тэр түрүүлсэн. Санжаадамба бүх бөхчүүдийг төвөггүй давж чадна гэтэл тэр улсын наадамд яагаад 4 давж чадахгүй байна. Магадгүй түүнийг азгүй гэх байх.
Манайхан ярьдаг Улсын наадмын дэвжээ хатуу гэж үнэндээ зөөлөн хүндээ зөөлөн хатуу хүндээ бүр хатуу юм. Тэр хатуу хүн нь Санжаадамба бололтой. Магадгүй түүний цэргийн арслан цолтойгоо явах хугацааг ахиад сунгачих аавын хүү бидний дунд явж л байгаа байх. Тэр өдрийн тэнгэр мэдэж дээ.

Ардын хувьсгалын 90 жил хүртэлх барилдааны хуваарь.

2010-08-19T21:20:00.000-07:00

Дараа жил 2011 он Ардын хувьсгалын түүхт 90 жилийн ой болно. Уламжлал ёсоор 1024 бөх барилдах байх. Тэр хүртэлх МҮБХ-с албан ёсоор зохион байгуулж байгаа барилдааны хуваарийг www.hiimori.mn дээр байснаар орууллаа. Үүнээс харж байхад 12 сард бөхийн холбооны 20 жилийн ойд зориулсан 512 бөхийн барилдаан болох юм байна. Цааш унших дээр дарж үзнэ үү.

Оюутан байх сайхан Оюутны байранд байх бүүр сайхан.

2010-08-19T09:09:00.000-07:00

Би гэдэг хүн 2-р курсдээ сургуулийнхаа оюутны дотуур байранд суухаар шийдээд байрын багшид учир явдлаа хэлж улмаар 7 номерын өрөөнд хуваарилагдлаа надаас өмнө нэг залуу оржээ. Манай нутгийн хүүхэд гэхийн тэгсэн мөртлөө урд нь нэг ч удаа хараагүй тэр ч байтугай сургуульд нэг жил болоход хүртэл хараагүй урт үстэй эвгүй залуу байлаа. Нэр нь Амарсанаа. Цаашид олон нэртэй болсондоо тэрийг нь энэд хэлээд яахав. Дараагийн залуу нь мөн нутгийн хүүхэд нэр Отгонбаяр. За ингээд 3-лаа боллоо ашгүй нутаг нуга ч нэг юм. Харин дөрөвдөх нь нилээд хэд хоногийн дараа орсон Даваагомбо урд нь бас ч гэж ойр зуурын юм ярьдаг байсан болохоор амархан дундаа орсондоо. Ингээд л дөрвүүл болж аваад амьдарч эхэлсэндээ. Харин өвөл нь Бямбаа нэмэгдэж ороод 5лаа болсон. Оюутан цагийн сайхан дурсамжуудыг бичээд барах биш. Энэ удаад оюутны байрны зурагнуудаас хэдийг оруулья.

Блог блог блог

2010-08-19T08:57:00.001-07:00

Аль дээр л нэг блог нээчээ л юу ч бичихгүй яваа л байлаа. Бичих юм ч олдохгүй. Юм бичье гэхээр тэртээ тэргүй л хангалттай олон хүн бичиж байгаа юм чинь надаар дутав л гэж ядаж ямар нэг сэдвээр гайгүй юм мэддэг ч биш гэсэн бодолтой л явдаг байлаа. Гэхдээ сүүлийн үед арай өөрөөр бодох боллоо. Зүгээр л өөрийн бодлоо бичье өөр юу ч хэрэггүй өөрийн бодол өөртөө зөв. Тийм ч учраас блогийнхоо нэрийг Бор гэртээ богд (Бор блогтоо богд ч гэдэг байгаа юу:)) гэж солилоо. Надаас ундран гарах бодлууд зөв бөгөөд цэгцтэй байг.

Ганцаараа.

2010-08-19T08:04:00.000-07:00

Миний хувьд багаасаа олуулаа бужигнаж өссөн болохоор ганцаараа байх дургүй ганцаараа байж ч бараг үзээгүй гэхэд болно. Харин энэ зуны хувьд ганцаараа гэрээ сахихаас өөр аргагүй боллоо. Эхэндээ эзгүй оргиод жаахан тиймэрхүү байсан боловч сүүлдээ дассандаа. Орой ажилаа тараад яаралгүйхэн гэртээ ирж будаатай голцуу хоол хийж идчээ л зурагт үзэх юм уу нет ухаж байгаа л унтана. Өглөө сэрүүлэгээр сэрээд ажилдаа. Ерөнхийдөө иймэрхүү байдалтай энэ зуныг өнгөрөөж байх шивдээ. Ганцаараа байхад илүү төвлөрч их зүйлс бодогдох юм. Бүх юм бодохоос л эхэлнэ. Тиймээс энэ бол ганцаараа байхын хамгийн том давуу тал юм болов уу.
Миний хувьд "Би өөрийнхөө төлөө юу хийсэн юм бэ? юу хийж чадах вэ" гэсэн 2 асуултын талаар нилээн бодлоо. Эхнийх нь хэтэрхий бага дараах нь харин хангалттай их өөрөөр хэлбэл энэ хоёрын хооронд асар их зай байна. Энэ зайг л ойртуулж чадаж байж би өнгөрсөндөө харамсахгүй сайхан амьдарна. Өнгөрсөндөө харамсахгүй амьдарна гэдэг бол миний mission буюу "санаж явах үг"(С.Ганбаатарын хэлснээр) юм.
Хэзээ нэг цагт би өөрийхөө төлөө хийж чадах бүхнээ хийсэн гэж ам бардам хэлэх цаг ирнэ гэдэгт итгэж байна. Тэр мөчийг хүртэл зүтгээд байж дээ залуу минь. Амжилт хүсье.

Сайхан биш гэж үү?

2010-05-07T09:01:00.001-07:00

Яагаад ч юм өнөө орой гэнэт бага нас нутаг усаа санагалзан өөрт байгаа хэдэн зурагнуудаа үзэн суулаа. Хэдийгээр зөвхөн зураг ч гэсэн надад юу юунаас илүү сэргэлт, эрч хүч, урам зориг гэгээлэг бүхнийг мэдрүүлж байна. Тиймээ би эх орныхоо хоймор нь болсон энэ л нутагт төрж өссөнөөрөө бахархдаг. Энэ удаагийн миний оруулсан зургууд эрхэм таныг Хөвсгөлийн цэнхэр хязгаараар түр ч гэсэн аялуулах болно. Харин таныг өөртөө байгаа нутгийнхаа сайхан зурагнуудаас хуваалцаасай гэж хүсэж байна.

Yoono-г сонголоо.

2009-12-21T09:36:00.000-08:00

Сүүлийн үед бусадтай сүлжээгээр харьцах маш олон хэрэгслүүд гарч үнэхээр хүчтэй хөгжиж байна. Жишээлбэл төрөл бүрийн мессенжерүүд, Twitter, Facebook, Hi5, гээд цаашаа нэрлээд барахгүй. Миний ойлгосноор энэ нь Social networking болон Web 2.0 гэсэн ойлголтын нэг хэсэг бололтой. За энэ талаар ингээд орхиё. (Мэдэхгүй юм чинь...) Миний хувьд twitter facebook messenger зэргийг бага зэрэг ашигладаг. Тэгээд сүүлийн үед эдгээр хэрэгсэлүүдийг бүгдийг багтаасан дээрээс нь вэб хөтөч дээр нээхгүй ашигладаг Yoono-г сонгосон юм.

Yoono-г Firefox дээр нэмэгдэл хэлбэрээр ашиглаж болохоос гадна браузер нээхгүйгээр ашиглах боломжтой. Хэрвээ та татаж авахыг хүсвэл энд дарна уу.

All star-т өөрийн саналыг нэмэрлэлээ.

2009-12-21T08:53:00.000-08:00

Энэ жилийн Үндэсний Сагсан бөмбөгийн Холбооны бүх оддын тоглолт Техасын Арлингтон хотод 2-р сарын 14нд болно. Далайд дусал нэмэр гэж өөрийнхөөрөө бүх оддын гарааны тоглогчдыг дараах байдлаар нэрлэлээ.
Дорнод: Өрнөд:
Д.Ховард А.Стоудмайр
К.Гарнетт К.Дурант
Л.Жеймс Д.Новитцки
А.Айверсон К.Пол
Д.Вэйд К.Брайнт
Эдгээр тоглогчдыг сонгохдоо өөрийн дэмждэг тоглогчдоо (Durant, Amare, KG etc) гол төлөв оруулсан юм. Гэхдээ сонирхолтой болгох үүднээс заримыг (Kobe, CP3, Novitzki etc) нь хүчээр сонголоо гэж. За тэгээд хэн хэн нь сонгогдохыг хүлээх л үлдэх шивдээ.

NBA-н зарим сонирхолтой рекордууд

2009-12-21T07:21:00.000-08:00

Сагсанбөмбөг сонирхогчдод сонирхолтой байх боловуу гэсний үндсэн дээрээс NBA-н рекордуудаас цуврал болгон оруулж байхаар шийдлээ.

Нэг тоглотонд хамгийн олон минутыг талбай дээр өнгөрүүлсэн тоглогч бол тухайн үеийн Seatle Supersonics багийн тоглогч Dale Ellis. 1989 оны 11 сарын 9нд Milwaukee Bucks багийн эсрэг тоглохдоо 69 минутыг талбай дээр өнгөрүүлсэн байна. Энэхүү тоглолтонд 5 удаа нэмэлт цаг сунгажээ.

1960 оны 11-р сарын 24нд тухайн үеийн Philadelphia Warriors багийн тоглогч аугаа Wilt Chamberlain, Boston celtics тэй хийсэн тоглолтонд 55 удаа самбараас бөмбөг авч байжээ.

1990 оны 12-р сарын 30нд Orlando Magic багийн Scott Skiles, 30 оновчтой дамжуулалтыг багийнхандаа өгч дээд амжилт тогтоожээ.

1973 оны 10-р сарын 28 нд Los Angeles Lakers багийн тоглогч Elmore Smith, Portland Trail Blazers-н эсрэг тоглохдоо 17 удаа блок шот хийж байжээ.

1961–62 оны улирлын турш Wilt Chamberlain нэг тоглолтонд дунджаар 50,4 оноог авч байсан байна. Харин өнгөрсөн жил D.Wade 30.2 оноогоор NBA-Г тэргүүлсэн билээ.

Wilt Chamberlain 1961-1962 оны улиралд нийт 45 тоглолтонд 50-с дээш, 63 тоглолтонд 40-с дээш оноог авч байсан байна.

Мөн л өнөөх Wilt Chamberlain маань 1960–61 оны улиралд 27,2 самбараас бөмбөг авалтыг нэг тоглотонд хийж байсан байх юм.

14.5 by Utah jazz багийн John Stockton, 1989–90 оны улиралд John Stockton тоглолт бүрт 14,5 оновчтой дамжуулалтыг багийнхандаа өгч байсан нь одоо хүртэл эвдэгдээгүй байна.

1961–62 оны улирлын тоглолтонд Oscar Robertson гэдэг тоглогч 41 удаа triple-doubles хийж байжээ.

Мөн 2000-01 оны улирлын тоголотонд Detoit Psitons багийн тоглогч Rasheed Wallace 41 удаа техникийн алдаа авч NBA-н түүхэнд рекорд тогтоожээ.

Богдхан уулын хишиг барилдаанд Өсөхбаяр нэртэй бөх түрүүлдэг.

2009-12-21T05:35:00.000-08:00

4 уулын хишиг барилдааны нэг болох Богдхан уулын хишиг барилдааныг Хан-Уул дүүргийн засаг даргын тамгын газар болон "АПУ" хувьцаат компанитай хамтран 2009 оны 12-р сарын 19нд З дахь удаагаа амжилттай зохион байгуулагдлаа. Энэхүү барилдаан нь энэ жилийн хамгийн отгон барилдаан бөгөөд уламжлал ёсоор улс аймгийн алдар цолтой 256 бөх зодоглолоо. Барилдааны үеэр 4 азтан үзэгч болон нэг саятан үзэгчийг шалгаруулсан юм. Ингээд бөхийн дүйзийг 3-н даваанаас эхлэн орууляа.
3-н даваа
1 Азжаргал у.а Баянмөнх
2 Доржсамбуу у.г Эрдэнэхүү
3 Ганбаатар у.г Сэнгэдорж а.з
4 Сайнбаяр у.з Батдорж а.а
5 Соронзонболд у.з Шинэбаяр з.б
6 Амгаланбаатар у.з Батсуурь а/н
7 Өсөхбаяр у.з Буянжаргал а.а
8 Элбэг у.х Батхуяг а.а
9 Пүрэвжав у.х Занданбат а.з
10 Батбаатар у.х Хишигбаатар з.б
11 Батболд у.х Батбилэг а.а
12 Амартүвшин у.х Батчулуун а.з
13 Даваабаатар у.х Ганхүү у.н
14 Лхагвасүрэн у.н Тангад а.а
15 Эрхэмбаяр у.н Гончигдамба а.а
16 Цогтжаргал у.н Түвшинбаатар а.а
17 Ганхуяг у.н Бүрэнбаатар у.н
18 Алтансүх у.н Адьяабат а.з
19 Батбаяр у.н Баянжаргал у.н
20 Олзгэрэл у.н Бат-Отгон а.а
21 Лхагвадорж у.н Батгэрэл а.з
22 Цогзолдорж у.н Одгэрэл а.а
23 Өсөхирээдүй у.н Бадамдорж у.н
24 Цацавшир у.н Багахүү а.а
25 Содномдорж у.н Лха-Очир а.а
26 Бямбажав ц.а Бүрэнтөгс а.н
27 Амартүвшин а.а Чимиддорж а\н
28 Батсуурь а.а Бадарч а.з
29 Мөнгөнбаатар а.а Чулуунбат а.а
30 Сангисүрэн а.а Батмөнх а.а
31 Батмөнх а.а Шинэбаатар а.а
32 Пүрэвдагва а.а Болдбаатар а.а

4-н даваа
1 Азжаргал у.а Хишигбаатар з.б
2 Доржсамбуу у\г Бүрэнтөгс а.н
3 Ганбаатар у\г Чимиддорж а\н
4 Сайнбаяр у\з Батсуурь а/н
5 Өсөхбаяр у\з Адьяабат а.з
6 Соронзонболд у\з Батчулуун а.з
7 Элбэг у\х Тангад а.а
8 Пүрэвжав у\х Гончигдамба а.а
9 Батболд у\х Чулуунбат а.а
10 Даваабаатар у\х Лха-Очир а.а
11 Ганхуяг у\н Батмөнх а.а
12 Лхагвадорж у.н Сангисүрэн а.а
13 Цацавшир у.н Батотгон а.а
14 Цогзолдорж у.н Батсуурь а.а
15 Батбаяр у.н Пүрэвдагва а.а
16 Өсөхирээдүй у.н Түвшинбаатар а.а

5-н даваа
1 Азжаргал у.а Цацавшир у.н
2 Ганбаатар у\г Батсуурь а.а
3 Сайнбаяр у\з Пүрэвдагва а.а
4 Өсөхбаяр у\з Батмөнх а.а
5 Соронзонболд у\зСангисүрэн а.а
6 Элбэг у\х Өсөхирээдүй у.н
7 Пүрэвжав у\х Бүрэнтөгс а.н
8 Даваабаатар у\х Чулуунбат а.а

6-н даваа
1 Азжаргал у.а Даваабаатар у\х
2 Ганбаатар у\г Пүрэвжав у\х
3 Сайнбаяр у\з Элбэг у\х
4 Өсөхбаяр у\з Соронзонболд у\з

7-н даваа
1 Ганбаатар у\г Даваабаатар у\х
2 Сайнбаяр у\з Өсөхбаяр у\з

8-н даваа
1 Ганбаатар у\г Өсөхбаяр у\з
Ийнхүү энэ барилдаанд Монгол улсын залуу заан М.Өсөхбаяр түрүүлж улсын гарьд Н.Ганбаатар үзүүрлэсэн юм. Дашрамд сонирхуулахад Богдхан уулын хишиг барилдаан нь энэ жил гуравдах удаагаа зохион байгуулагдсан бөгөөд хамгийн эхний наадамд заан М.Өсөхбаяр начин цолтойдоо удаах наадамд даян аварга Г.Өсөхбаяр харин энэ жил заан М.Өсөхбаяр хоёрдох удаагаа түрүүлснээс үзэхэд Богдхан уулын хишиг барилдаанд Өсөхбаяр нэртэй бөх түрүүлдэг нь харагдаж байна. 2010 оны 1-р сарын 3-нд Монгол улсын начин цолтой бөхчүүдэд хүндэтгэл үзүүлэх барилдаан болох юм байна.

Хөвсгөл аймгийн Тосонцэнгэл сум

2009-12-10T06:33:00.001-08:00

Төрж өссөн нутгийнхаа тухай өөрийн мэддэг, сонссон дуулсан зүйлээ цувралаар оруулж байхаар шийдлээ. Юуны өмнө сумынхаа товч танилцуулгыг орууллаа. Хааяа нэг хүмүүстэй уулзаад Тосонцэнгэл гэхээр Завханы юу гэх юмуу эсвэл Хөвсгөлд тийм сум байдаг юмуу гээд байдаг юм.
Засагтхан аймгийн Ахай бээсийн хошуу хожим нь Цэцэрлэг мандал уулын аймгийн Наранжаргалант уулын хошуунаас үүсч, Тосонцэнгэл сум 1931 онд байгуулагдсан юм. Сумын төв нь Цэнгэл. Сумын төв нь аймгийн төвөөс 64 км, Улаанбаатар хотоос 607 км зайтай юм. Газарзүйн байрлалын хувьд хойд өргөрөгийн 49° 28′ 30″, зүүн уртрагийн 100° 53′ 37″-д оршдог. Засаг захригааны 5 багтай. Сум 204.6 мянган га нутаг дэвсгэртэй. Үүний 180.4 мянган га нь малын бэлчээр, 1148 га нь тариалангийн талбай байсан одоо гэхдээ тариа тарихаа байсан. Сумын нутаг нь Сэлэнгэ мөрний нам уулсын бүсэд хамрагддаг. Нутгийн хамгийн өндөр уул нь 2263 м өндөр Халзан бүргэдэй уул юм. Хаг Ачмаг Цэнгэл гэсэн 3 нууртай. Сумын нутгийн 2 орчим хувийг ой мод эзэлдэг. Сумын баруун талаар Дэлгэрмөрөн урсан өнгөрөх ба сумын төвөөс 30 орчим км орших "Олон голын бэлчир"-ээс эхлэн "Сэлэнгэ" мөрөн болж цааш урсдаг. Сэлэнгэ мөрний дагуу 1080 метр өргөгдсөн өргөн уудам хөндий, үржил шим сайтай хөрстэй, малын бэлчээр сайтай. Тосонцэнгэл сум нь Хойд болон зүүн хойд талаараа Түнэл, Зүүн талаараа Их-Уул, Урд талаараа Рашаант, Баруун талаараа Төмөрбулаг сумуудтай тус тус хиллэн оршдог. 2007 оны хүн амын тооллогоор сумын хүн ам 3776. Хүн амын ихэнхи нь Хотогойд, цөөн тооны Халх, Дархад хүмүүс байдаг. Мал сүрэг мөн оны жилийн эцсийн байдлаар 215886 толгойд хүрсэн байна.

Улсын гарьд Н.Ганбаатар түрүүллээ.

2009-12-10T05:32:00.000-08:00

Монгол улсад ардчилсан хувьсгал ялсны 20 жилийн ойн баярт зориулсан үндэсний бөхийн барилдаан өнөөдөр Монгол бөхийн өргөөнд боллоо. Энэхүү барилдаанд Монгол улсын арслан Д.Азжаргал улсын гарьд Доржсамбуу тэргүүтэй хүчит 128 бөх барилдсаны дотор нэг ч залуу бөх байгаагүй юм. Ингээд энэхүү барилдаанд Говь-Алтай аймгийн Чандмань сумын харьяат Монгол улсын гарьд Н.Ганбаатар түрүүлж Сэлэнгэ аймгийн Орхонтуул сумын харьяат улсын начин Т.Өсөх-Ирээдүй үзүүрлэсэн юм. Шөвгийн 4т Улсын залуу заан Өсөхбаяр улсын арслан Д.Азжаргал нар үлдсэн. Харин дунд шөвөгт харцага Ө.Даваабаатар, өсөх идэр начин Г.Эрхэмбаяр, шинээр начин цол хүртсэн Ц.Содномдорж, С.Мөнхбат нар үлдсэн юмаа. Дашрамд дурдахад 12-р сарын 19нд Богдхан уулын хишиг барилдаан болох юм байна.

Авто замын салбар үүсж хөгжсөний 80 жилийн ойн барилдаан боллоо.

2009-12-04T09:45:00.000-08:00

2009 оны 12-р сарын 3нд Монгол бөхийн өргөөнөө Монгол улсад авто замын салбар үүсж хөгжсөний 80 жилийн ойн нэрэмжит улс аймгийн алдар цолтой 128 бөхий нбарилдаан боллоо. Улс орон даяар өндөржүүлсэн бэлэн байдал зарласантай холбоотойгоор сар гаруй хугацаанд барилдаан болоогүй байсанаас ч юмууу ямартай ч бөхийн өргөө дүүрэн үзэгчтэй байсан. Уг барилдаанд улсын арслан Мөнхбаатар, Азжаргал гарьд Доржсамбуу, Ганбаатар заан Бумбаяр, Рагчаа, Сайнбаяр, Соронзонболд, Өсөхбаяр нарын тэргүүтэй бөхчүүд зодоглосон юм. Харин ганцхан залуу бөх барилдсан нь энэ барилдаан хэр чансаатай болсныг харууоах байхаа.
За ингээд барилдааны дүйзийг 3н даваанаас эхлэн орууллаа.
3-н даваа
1 мөнхбаатар у\а элбэгбаяр а\н
2 доржсамбуу у\г батням а\а
3 ганбаатар у\з мягмарсүрэн а\з
4 рагчаа у\з батбаяр а\а
5 сайнбаяр у\з цогбаяр а\а
6 өсөхбаяр у\з цогзолдорж у\н
7 соронзонболд у\з ганзориг а\а
8 Баторших у\х бүрэнбаатар у\н
9 батболд у\х батдорж а\а
10 баасандорж у\х заяамандах а\а
11 эрхэмбаяр у\н дэлгэрсайхан а\а
12 уламбаяр у\н алтансүх у\н
13 насандэлгэр у\н батсуурь а\а
14 өсөхирээдүй у\н санчир а\а
15 цацавшир у\н гантулга а\н
16 чулуунбат а\а санжаадамба ц\а

4-н даваа
1 мөнхбаатар у\а гантулга а\н
2 доржсамбуу у\г мягмарсүрэн а\з
3 сайнбаяр у\з батбаяр а\а
4 өсөхбаяр у\з санжаадамба ц\а
5 соронзонболд у\з батсуурь а\а
6 баасандорж у\х өсөхирээдүй у\н
7 батболд у\х бүрэнбаатар у\н
8 эрхэмбаяр у\н уламбаяр у\н

5-н даваа
1 мөнхбаатар у\а батбаяр а\а
2 доржсамбуу у\г баасандорж у\х
3 соронзонболд у\з батболд у\х
4 өсөхбаяр у\з уламбаяр у\н

6-н даваа
1 мөнхбаатар у\а соронзонболд у\з
2 доржсамбуу у\г өсөхбаяр у\з

7-н даваа
1 мөнхбаатар у\а өсөхбаяр у\з

Мөн энэ барилдааны үеэр уран барилдааны шагналыг Увс аймгийн харьяат аймгийн начин Гантулга хүртсэн юм. Тэрээр 1-н даваанд хүчтэй начин Ду.Батбаярыг 2т арслан Азжаргалыг 3т начин Цацавширыг тус тус төвөггүй өвдөг шороодуулсан юм.

Усны тунгалаг Уулсын өндрөөс Улсын цолтон Урган төрлөө.

2009-12-04T09:01:00.000-08:00

Тиймээ үнэхээр миний нутагийн ус нь тунгалаг уулс нь өндөр билээ. Энэ л нутгаас төрсөн үе үеийн хүчтнүүдийн залгамж халаа болж Ардын хувьсгалын 88 жилийн ойн баяр наадмаар улсын цолтон нэгээр нэмэгдлээ. Тэр бөхийн нэр хэний хэн бэ?
Энэ бол Хөвсгөл аймгийн Тосонцэнгэл сумын харьяат Монгол улсын залуу начин Цэдэвийн Содномдорж юм.
Дэлтэй бүхэн уралдлаа ч
Айраг амсдаггүй наадамд
Дээлтэй бүхэн барилдлаа ч
Начин болдоггүй Монголд
Тавын даваа эхлэхэд
Дэлхий амгалан болдог
Тасарсан ураг нэгдэж
Эсгий туургатан баярладаг
Цэцэг дэвссэн наадмын
Сүлд инээлгэн дэвэх
Шив шинэхэн начин
Бүх ардынх болдогоо
Энэ жилийн наадам ч нар хуртай сайхан байсан даа. Бороо шаагисан наадмын 5н давааны торгон агшнаас тантай хуваалцяа гэж бодлоо.

Ховд аймгийн нэрэмжит Аймаг цэргийн цолтой болон залуу бөхчүүдийн барилдаан боллоо.

2009-04-19T23:20:00.000-07:00

2009 оны 4-р сарын 19нд Монгол бөхийн өргөөнд Ховд аймгийн нэрэмжит Аймаг цэргийн цолтой болон залуу бөхчүүдийн барилдаан боллоо. Уг барилдаанд уламжлал ёсоор 256 бөх барилдсан юм. Харин өмнөх барилдаанд түрүүлсэн а/а Ц.Содномдорж оролцоогүй юм. Уг барилдаанд сумын заан болон залуу бөхчүүдийг 2 нугалж байж оруулсан. Үүнээс үзэхэд үндэсний бөхөөр хичээллэдэг залуучуудын тоо ихэссэн нь харагдаж байна. Энэхүү барилдааны шөвгийн дөрөвт а/а Батзаяа а/а Отгонбаатарыг, а/а Бат-Орших а/а Ганзоригийг тус тус өвдөг шороодуулснаар үзүүр түрүүнд шалгаран үлдсэн юм. Ингээд уг барилдаанд Ховд нутгийн хүү аймгийн арслан Батзаяа түрүүлж а/а Бат-Орших үзүүрлэсэн юм.Миний хувьд үзүүр түрүүний 2 бөхийн барилдаан жаахан худлаа болсон шиг санагдсан.

Сонгино хайрхан уулын хишиг барилдаанд Аймгийн хурц арслан Ц.Содномдорж түрүүллээ.

2009-04-12T19:55:00.001-07:00

Монголын үндэсний бөхийн шинэчлэлийн хүрээнд тэгш тоотой сар бүр дөрвөн уулын хишиг барилдааныг зохион байгуулах болсон. Эдгээр барилдаанууд нь чанар чансаагаараа цагаан сарын барилдаанаас дутахааргүй, 256 бөх барилддаг томоохон барилдаан юм. Энэ жилийн 3 дахь барилдаан болох Сонгино хайрхан уулын хишиг барилдааныг МҮБХ, Сонгино хайрхан дүүргийн засаг даргын газар хамтран 2009 оны 04-р сарын 11нд Монгол бөхийн өргөөнд амжилттай зохион байгууллаа. Мөн уг барилдааныг "МОНОС" групп ивээн тэтгэж хамтран зохион байгуулсан юм. Энэхүү барилдаанд Улсын арслан Х.Мөнхбаатар, улсын гарьд И.Доржсамбуу, Улсын заан М.Баяржавхлан, Амгаланбаатар, улсын харцага Мөнгөнцоож, Пүрэвжав, Баасанлорж, Магалжав, Батжаргал тэргүүтэй улсын цолтой 35 бөх бусад нь аймаг цэргийн цолтой болон залуу бөхчүүд барилдлаа. Хэдийгээр аварга арслангууд барилдаагүй ч гэсэн барилдаан тун сонирхолтой болж өнгөрсөн. Үзэгчидийн хувьд ч гэсэн аварга арслангуудын нэгнээ хүлээсэн бяр массаараа аагласан барилдаанаас илүү сүүлийн үед түрэн гарч ирж байгаа залуусын ёстой л уран мэхийг уралдуулсан хурц дайчин барилдаанууд илүү сонирхолтой байгаа нь мэдээж. Үндэсний бөхийн шинэ үе эхэлсэн гэдгийг энэхүү барилдаан батлан харууллаа. Ингээд барилдааны талаар товчхон бичье.

Зүүний магнай Улсын арслан Мөнхбаатар 2-н даваанд өвдөг шороодсон бол 3-н даваанд залуу начин Ж.Бат-Эрдэнэ а/а Бат-Оршихыг амлаж авсан хэдий ч давхар ачуулан нисэлттэй өвдөг шороодсон. Улсын начин Чинзориг а/а Отгонбаатарыг амлан авсан хэдий ч мөн л өвдөг шороодсон. Давааны төгсгөлд цэргийн арслан Бямбажав аймгийн начин Бүрэнтөгсийг, а/а Содномдорж а/з Мөнхбатыг, а/а Сангисүрэн а/а Жаргалсайханыг тус тус өвдөг шороодуулсан.
Уг барилдааны 4-н даваа хамгийн сонирхолтой нь байсан гэж хэлхэд болно. Учир нь дүрэм ёсоор оноолтоор таарж барилдаад аймаг цэргийн цолтой бөхчүүд бараг бүгд давсан гэхэд хилсдэхгүй. Жишээлбэл начин Эрхэмбаярыг ц/а Бямбажав, начин Ёндонсамбууг а/а Содномдорж, у/х Баасандоржийг а/а Алтанхуяг нар тус тус өвдөг шороодуулж үзэгчдийг шуугиулсан.
5-нд даваанд у/з Баяржавхланг ц/а Бямбажав, у/н Ду.Батбаярыг а/а Баянмөнх, у/н Лхагвадоржийг а/а Содномдорж, а/а Алтанхуягийг а/а Санчир тус тус өвдөг шорооодуулсан.
Харин 6-н даваанд:
а/а Санчирыг у/г Доржсамбуу, а/а Баянмөнхийг у/х Пүрэвжав, у/н Цогтжаргалыг а/а Содномдорж, ц/а Бямбажавыг у/н Өсөх-Ирээдүй нар өвдөг шороодулж шөвгийн дөрөвт шалгаран үлдсэн.
7-н даваанд:
у/г Доржсамбуу у/н Өсөх-Ирээдүйг амлан авч өвдөг шороодсон бол тунасан у/х Пүрэвжав-г а/а Содномдорж давснаар үзүүр түрүү булаалдхаар шалгарч үлдлээ.
Ингээд 8-н даваанд у/н Өсөх-Ирээдүй а/а Содномдорж нар шалгаран үлдэж барилдсан юм.
Энэ даваанд а/а Содномдорж у/н Өсөх-Ирээдүйг зүүн талдаа шахаж татаад угсруулан өхийлдөн өвдөг шороодуулснаар уг барилдаанд түрүүлсэн юм. Мөн барилдааны үеэр "Мэхний гайхамшиг", "Улсын цолонд ойрхон бөх"-ийн шагналыг гардуулсан бөгөөд дээрх 2 шагналыг аймгийн хурц арслан Ц.Содномдорж хүртсэн юмаа.

Блогийн тухай товчхон.

2008-12-29T07:14:00.000-08:00

Юуны өмнө мэдээллийн энэ их далай дундаас Миний энэхүү өчүүхэн блогийг нээн үзэж буй танд чин сэтглээсээ талархал илэрхийлье. Блог хөтлөх нь өнөө үед чөлөөт цагаа үр дүнтэй өнгөрөөх нэг хэрэгсэл болоод байна. Хэдийгээр чөлөөт цагаараа өөрийн бодлоо чөлөөтэй илэрхийлж байгаа ч гэсэн Миний хувьд та бүхний энэхүү блогийг маань үзсэн хэсэгхэн ч гэсэн хугацааг үр дүнгүй өнгөрүүлэхгүйн тулд хичээх болно.
Таныг хүндэтгэсэн Г.Цогтбилэг.